កុដិឈើប្រក់ស័ង្កសីមួយខ្នងត្រូវបានភ្លើងឆេះអស់ទាំងស្រុងនៅស្រុកព្រះនេត្រព្រះ
20-April-2018 | ដោយ ពលមនសិការ
បន្ទាយមានជ័យ ៖ កុដិមួយខ្នងឈើប្រក់ស័ង្កសីត្រូវបានអគ្គិភ័យឆេះអស់ទាំងស្រុងនៅវេលា៦ល្ងាចកាលពីថ្ងៃទី១៩ ខែមេសា ឆ្នាំ២០១៨ នៅវត្តឡោទេ ស្ថិតភូមិឡោទេ ឃុំភ្នំលៀប ស្រុកព្រះនេត្រព្រះ។
លោក មាស រិទ្ធី អធិការនគរបាលស្រុកព្រះនេត្រព្រះបានឱ្យដឹងថានៅពេលដែលអគ្គីឆាបឆេះកុដិគឺវត្តឡោទេមិនទាន់ត្រាស់ឬបញ្ចប់ថ្ងៃបុណ្យចូលឆ្នាំថ្មីប្រពៃណីខ្មែរហើយត្រូវបានអគ្គិភ័យឆាបឆេះអស់ទាំងស្រុង។
លោកបានបញ្ជាក់ថា មូលហេតុដែលអគ្គិភ័យឆេះកុដិមួយខ្នងអស់ទាំងស្រុងមកពីព្រះសង្ឃដុតធូបចោលបណ្តាលឆាបឆេះមានកុដិឈើប្រក់ស័ង្កសីជញ្ជាំងក្តា ដែលមានបណ្តោយ១២ម៉ែត្រនិងទទឹង៧ម៉ែត្រនិងខូចខាត់កង់នេនមួយគ្រឿង, ខ្សែក ផ្លាកទីនមួយខ្សែទម្ងន់៣ជី និងសម្ភារៈមួយចំនួន។
លោក មាស រិទ្ធី បានបន្ថែមថានៅពេលដែលអគ្គិភ័យឆេះកុដិមួយខ្នងនេះរថយន្តពន្លត់អគ្គិភ័យអធិការដ្ឋាននគរបាលស្រុកព្រះនេត្រព្រះបានជួយអត្តរាគមន៍បាញ់ពន្លត់មិនបណ្តាលអោយរាលដាលដល់កុដិនៅក្បែរ៕
ចំនួនអ្នកទស្សនា
- ថ្ងៃនេះ1341
- ម្សិលមិញ10851
- សប្តាហ៍នេះ67861
- ខែនេះ183011
- ឆ្នាំនេះ183011
- សរុប20625467